Працаўнікі НПЗ у Мазыры панікуюць праз дроны

Кіраўніцтва прадпрыемства не адказвае на пытанні працаўнікоў.

Жонка працаўніка НПЗ у Мазыры расказала сайту Charter97.org, што працаўнікі прадпрыемства панікуюць праз магчымы напад дронаў на прадпрыемства:

- Здранцвенне, роспач, бессань — з такімі пачуццямі жыву апошні тыдзень. Мой муж працуе на Мазырскім НПЗ. Працаўнікі прадпрыемства баяцца, што да іх таксама можа прыляцець дрон. Пайсці з завода няма куды, бо ніводная з астатніх устаноў не можа канкураваць у заробках з нашым горадаўтваральным прадпрыемствам. На заводзе сярод блізкіх калег усе толькі і абмяркоўваюць гэтую тэму, што рабіць, як быць у гэтай сітуацыі.

Я самая сачу за сітуацый праз незалежныя сайты і тэлеграм-каналы. Штодзень распытваю мужа, што чуваць. Але ж кіраўніцтва завода нічога не кажа. Людзі моўчкі ходзяць на працу, асцерагаючыся. Баюся, каб праз палітычныя гульні мае дзеці не засталіся сіротамі.

З пачаткам вайны наш горад ператварыўся ў нейкі непрадказальны вулкан. То ў нас параненых лечаць, то на зборы збіраюць, то тэхніка вайсковая стаіць, да якой страшна падысці, бо тут жа запішуць у тэрарысты. Мы ўжо два гады фактычна жывём у прыфрантавой зоне. І вось зараз яшчэ чакаем прылёту дронаў. Калі разважыць, дык украінцы маюць абсалютнае права заатакаваць наш завод як крыніцу паліва для вайны супраць суседняй краіны.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]