Сырскі назваў фатальны горад для расейцаў

Гетман УСУ распавёў, што там адбываецца.

Харкаў можа стаць для войскаў РФ фатальным горадам, калі тыя зноў паспрабуюць яго акупаваць. Цяпер там праводзяцца маштабныя комплексныя мерапрыемствы для ўзмацнення абароны.

Пра гэта “Укрінфарм” заявіў гетман УСУ Аляксандр Сырскі.

Каментуючы пытанне аб рызыках паўторнага наступу РФ на тэрыторыю Харкаўскай вобласці, Сырскі адзначыў, што цяпер прымаюцца ўсе меры для адэкватнага рэагаванні на такую імавернасць.

"На сённяшні дзень праводзім вялікі комплекс работ для фартыфікацыйнага абсталявання тэрыторый і пазіцый, устанаўліваем комплексную сістэму загарод, праводзім планаванне выкарыстання нашых войскаў у выпадку такіх дзеянняў", – адзначае гетман УСУ.

Ён нагадаў, што ва ўкраінскіх сіл абароны ўжо ёсць досвед баявых дзеянняў у Харкаўскай вобласці. Тады атрымалася распазнаць дзеянні супраціўніка і вызваліць значную яе частку.

“Менавіта тады адбылося маштабнае падзенне расейскага фронту. Калі расейцы рушаць туды зноў, Харкаў стане для іх фатальным горадам”, - падкрэсліў Сырскі.

У той жа час ён адзначыў, што наступныя магчымыя дзеянні ў абароне могуць моцна адрознівацца праз унікальнасцькожнай асобнай сітуацыі на полі бою.