Дыетолаг назвала чатыры прадукты, якія дапамогуць пазбавіцца ад лішняга халестэрыну

Яны дабратворна ўплываюць на печань.

Здаровае харчаванне і падборка правільных прадуктаў, якія закрываюць усе запатрабаванні ў карысных кампанентах для нашага арганізма, гэта штодзённая праца, якую цяжка выконваць, не ведаючы, на чым менавіта варта рабіць акцэнт.

Дыетолаг Аруша Неканам назвала найлепшыя 4 прадукты, якім пад сілу знішчаць лішкі халестэрыну ў арганізме. Яны дапамагаюць засвоіць «лішняе» і зніжаюць рызыку ўзнікнення праблемаў з печанню. Як вядома, пры наяўнасці лішкаў, халестэрын назапашваецца менавіта ў гэтым органе, піша Express.

У топ-4 прадуктаў «забойцаў» халестэрыну ўвайшлі:

• ласось;

• фасоля;

• бабовыя;

• ягады.

«Дзякуючы ім печань вымывае лішні халестэрын з арганізма», – кажа Аруша.

Таксама будзе карысна павялічыць спажыванне прадуктаў, багатых на абалоніну. Адным з лідараў гэтай катэгорыі Аруша назвала кукурузу.

Таксама ў спісе багатых на абалоніну:

• сачавіца;

• фасоля;

• брокалі;

• авакада;

• яблыкі.

Дадатковая карысная парада – павялічыць у сваім рацыёне прадукты, вядомыя высокім утрыманнем ненасычаных тлушчаў. Многія ведаюць, што гэтай асаблівасцю славутыя разнавіднасці арэхаў. Але ў барацьбе з халестэрынам спатрэбіцца не толькі перакус міндалем, арахісам і да таго падобнае.

Ад чаго атрымаць больш ненасычаных тлушчаў, не лічачы арэхаў:

• з семак сланечніку;

• з гарбузовых семак;

• ад «сябра» прыгожай фігуры – кунжуту;

• з кукурузы;

• з насення лёну.

Але гэтага зусім не дастаткова, каб пазбавіцца ад праблемы павышанага ўзроўню халестэрыну. Варта таксама з розумам скараціць ужыванне прысмакаў, багатых менавіта на насычаныя тлушчы. У топе: сметанковае масла, сыр, вяршкі, шакалад, марожанае, какосавы крэм.

Таксама замест цукру лепш выкарыстоўваць мёд, калі хочаце крыху падсаладзіць для сябе стравы, кажа Аруша. Ад гэтага можна дадаткова атрымаць выгоду.

«Сыры мёд утрымлівае антыаксіданты, якія здольныя знізіць узровень ЛПНП (ліпапратэінаў нізкай шчыльнасці) у вашым арганізме і павысіць узровень ЛПВП (ліпапратэінаў высокай шчыльнасці), патэнцыйна зніжаючы агульную рызыку сардэчна-сасудзістых захворванняў», – рэзюмавала дыетолаг.