Ва Украіне падстрэлілі актора-пуцініста з фільма «Віват, гардэмарыны!»

Акупант атрымаў раненне ў вока.

Расійскі актор і акупант Міхаіл Мамаеў, які стаў вядомым у 1991 годзе дзякуючы ролі ў фільме "Віват, гардэмарыны!", больш не паваюе, як раней. Пуцініст патрапіў у шпіталь з сімволікай «Z» на вокнах.

Да бальнічнага ложка яго, падобна, прыкавала раненне ў вока. З павязкай на ім Мамаеў сфатаграфаваўся і напісаў верш пра вайну, піша obozrevatel.com.

Іншых падрабязнасцяў паранены не раскрыў і ў каментарах занепакоеным "патрыётам" не адказаў. Да гэтага ён публікаваў фота з поля, узброены і падрыхтаваны для бою з украінцамі.

«Жизнь иногда навязывает прятки,

когда прочерчен путь через войну,

и вместо пульса слева, у лопатки,

однажды четко слышишь тишину»

- апісаў свой змрочны настрой расеец, чым яшчэ больш напалохаў падпісчыкаў.

Нагадаем, першыя фота Мамаева са зброяй на фронце з'явіліся ў пачатку 2023 года. Тады ж ён пачаў пісаць вершы аб тым, што хоча стаць "рэшатам ад куль" і быў гатовы да "болю і вайны".