Партызаны праніклі на адну з самых абароненых нафтабаз РФ у Крыме

Што ўдалося выявіць?

Партызаны цягам некалькіх месяцаў праводзілі выведку нафтабазы ў Джанкоі, якую выкарыстоўваюць расейцы. Гэта адна з самых вялікіх нафтабаз, якую старанна ахоўваюць акупанты.

Пра гэта паведамляе партызанскі рух «Атэш».

«Цягам многіх месяцаў, пачынаючы з канца мінулага года, нашы агенты праводзілі выведку і сачэнне за нафтабазай у Джанкоі», - гаворыцца ў паведамленні.

Партызаны змаглі выявіць шляхі лагістыкі і тэхнікі, якую выкарыстоўваюць расейцы для перавозкі нафтапрадуктаў. Як паведамілі партызаны, тэрыторыя нафтабазы агароджаная, яе бесперапынна патрулююць і па ўсім перыметры размешчаныя дзясяткі камер.

«Яны (камеры - рэд.) усталяваныя як на бачных месцах, так і ў месцах для ўтоенай відэафіксацыі, што дэманструе, наколькі акупанты шануюць гэты аб'ект», - адзначае партызанскі рух.

Усю інфармацыю партызаны ўжо перадалі Сілам абароны Украіны.