Названыя найлепшыя стравы для здароўя кішачніка
3- 11.03.2024, 20:36
- 8,768
Спецыялістка дала некалькі карысных парадаў у харчаванні.
Паводле словаў брытанскай эксперткі ў галіне харчавання Мэрэдзі Бэрдзі, ужыванне аўсянкі з ягадамі і арэхамі, гародніны з грыбамі на грылі і ёгурту з садавіной можа знізіць рызыку развіцця калярэктальнага раку. Пра гэта паведамляе Daily Mail (пераклад – lenta.ua).
Лекарка расказала, што для прафілактыкі раку кішачніка ўжыванне вялікай колькасці клятчаткі мае ключавое значэнне. Рэч у тым, што гэтыя неператраўныя харчовыя валокны служаць ежай для карысных кішачных бактэрый, якія абараняюць слізістую абалонку тоўстага кішачніка і забяспечваюць яго звычайнае функцыянаванне.
Бэрдзі ўдакладніла, што адным з самых простых спосабаў атрымання абалоніны з ежай з'яўляецца рэгулярнае ўжыванне аўсянай кашы з ягадамі ці арэхамі.
Пры нястачы часу на гатаванне кашы можна пад’есці натуральны ёгурт з садавіной – кісламалочны прадукт пры ператраўленні станоўча паўплывае на колькасць карысных бактэрый у кішачніку. Падвысіць утрыманне абалоніны ў такой страве можна шляхам дадавання арэхаў ці семак.
Яшчэ адна карысная для кішачніка страва – гародніна з грыбамі, прыгатаваныя на грылі. Спецыялістка адзначыла, што пры жаданні да яе можна дадаць цэльназерневы хлеб або яйкі. Гэта зробіць страву больш сытнай.