Польшча адправіць вайскоўцаў у Францыю

Для дапамогі з бяспекай на Алімпіядзе.

Польшча пагадзілася адправіць сваіх вайскоўцаў у Францыю для дапамогі з мерамі бяспекі падчас летніх Алімпійскіх гульняў.

Як паведамляе “Еўрапейская праўда”, пра гэта ў Twitter (X) напісаў польскі міністр абароны Уладзіслаў Касіняк-Камыш.

Напярэдадні Мінабароны Францыі згадвала Польшчу, калі казала аб прыцягненні вайскоўцаў з краін-саюзніц да мер бяспекі.

"Узброеныя сілы Польшчы далучацца да міжнароднай кааліцыі, створанай Францыяй для падтрымкі падрыхтоўкі і бяспекі летніх Алімпійскіх гульняў 2024 года", - напісаў Касіняк-Камыш.

Паводле ягоных слоў, у Парыж адправяць аператыўную групу, у тым ліку кінолагаў з сабакамі.

Галоўнай задачай групы будзе выяўленне выбуховых прыстасаванняў і антытэрарыстычная дзейнасць, дадаў польскі міністр.

Напярэдадні стала вядома, што Францыя плануе прыцягнуць вайскоўцаў з шэрагу партнёрскіх краін да мераў бяспекі падчас правядзення летніх Алімпійскіх гульняў у Парыжы.

Перад гэтым стала вядома, што французскія сілы бяспекі правераць да мільёна чалавек перад Алімпійскімі гульнямі, у тым ліку спартоўцаў і людзей, якія жывуць побач з ключавымі аб'ектамі інфраструктуры.

Таксама на час цырымоніі адкрыцця Алімпійскіх гульняў закрыюць усе аэрапорты вакол Парыжа.