Bild: Расея скрала ва УСУ тэхналогію паразы цэляў

І актыўна выкарыстоўвае на фронце.

Аналітык BILD сцвярджае, што расейскія войскі ўслед за Украінай перайшлі да ўжывання наземных дронаў на полі бою.

Адзначаецца, што ў студзені эксперт аналізу адкрытых звестак Юльян Рэпке паведамляў, што нароўні з беспілотнікамі Украіна пачала распрацоўваць і розныя тыпы наземных дронаў. Цяпер, паводле ягоных словаў, іх стала актыўна выкарыстоўваць і расейскае войска.

– Нядаўна 72-я асобная механізаваная брыгада УСУ апублікавала відэа, як украінскі паветраны FPV-дрон знішчае сухапутны трэкавы беспілотнік УС РФ. Відавочна, ён перавозіў забеспячэнне для расейскіх салдатаў. На іншым запісе УСУ паказалі расейскі наземны дрон радыёэлектроннай барацьбы. На невялікую трэкавую платформу ўстанавілі прыладу для стварэння радыёперашкодаў, каб збіваць украінскія паветраныя беспілотнікі, – гаворыцца ў паведамленні.

Такім чынам, на думку аналітыка, вайна ва Украіне паступова ператвараецца ў «вайну робатаў».